مجنون ♥

قالوا عليك مجنون عشان حبيتنى..عشان حسيت


قالوا ده هيعيش العمر كله يقول يا ريت .. !


قالوا و حكوا عنك ولاموا كتير..


و أنت فضلت تحب و فى قلبك راسم بيت..


بيت جواه اتنين عاشقين..


و بعديها بشوية..


رسمت ولد شقى و بنتين حلوين


مالين البيت ده فرحة و أمل لسنين..


لـ سنين أودام .. لـ سنين كتير


و أنت فى قلبك عمال ترسم من غير تفكير


مبيهمكش الناس بتقول عنك ايه !


المهم إنك عايز تحقق حلم حلمت بيه


فاتت سنة و اتنين و تلاتة..


و أنا عاملة كأنى مش فاهمة حاجة !


بس فى قلبى شايلة حب كبير


حب يخلى قلبك من الفرحة يطير


بس ده مبدأ عندى و ماشية عليه


أنا لا بصاحب ولا بتدلع


و الجو ده ماليش فيه !


أيوة بحبك .. بس مقدرش اقول اللى انا حاساه


بقول لناس ده اللى بحبه و نفسى اعيش العمر معاه


بس أجى عندك و أسكت..


و ماقولش اللى انا عايزاه


أسفة عشان خليت الناس تقول عليك مجنون


بس أنا بفرح لما بشوفك بتحبنى بجنون


و بفرح لما بشوفك سرحان


و أقرا كل الكلام فى عيونك و كل حرف بلون


بس انا جاية أفرح قلبك و أقولك إنك فعلاً


أحسن واحد حب واحدة فى كل الكون ♥