مصر مش بس الأمان
مصر ثورة فى الميدان. . !
مصر يعنى مش هنخاف إن شالله نبقى نبقى ميت مليون شهيد
مصر يعنى شعب واحد .. كتلة واحدة أيد فى أيد
مصر يعنى دولة حرة .. مش فانوس و لبس عيد !
شعب مصر حالف يجى مليون حلفان
لـ يبنى مصر جديدة و البداية من الميدان
مصر لما فاض بيها قالت لازم أثور . . .
و مايهمنيش إذا كان عز ولا نظيف ولا سرور
هيخربوها ولا ينيلوها . . مش هتفرق كتير
مش مهم أى حاجة . . المهم أعمل تغير . . !
ما أنا كان لازم أثور. . .
لما يبقى حاكمنى واحد جاسوس والتانى مغرور
فضلت فى حيرة فترة . . أقول ولا أغور !!!
فجأة لاقتنى بتباع حتة حتة . . .
أرض خضرا . . و أرض بور . .
قولت لا كفاية كدة و لازم أثور!
لما تبقى حكومة ساذجة و حاكم جبان
يبقى لازم مصر تعمل ثورة فى الميدان . . !
مصر يعنى شعب أقوى . .
من إنك تعمله فتنة
نحفلك بإيه يا عدوى . . .
إننا فعلا إيد واحدة
نحلفلك بالصداقة اللى بين فاطمة و ميرنا
ولا نحلفلك بالأخوة و الجبرة و المحبة!
ولا أقولك . .
خليك كدة نايم على ودنك!!
مانتش فاهم إننا فعلاً كلنا إخوات
أصل مصر مش بس الأهرامات. .
مصر حاجة أعظم من إنها تتوصف فى كلمات
مصر مش بس الأمان . .
مصر ثورة فى الميدان . . !!
مصر يعنى مش هنهمد إلا لما تأكلوا المسكين
إلا لما تعالجوا الناس . .
و تعاملوهم زى البنى أدمين !!!!!
إلا لما تعلمونا تعليم سليم
بدل ما تعليمنا تعليم تافه و عقيم!
منين بتقولنا مبارك راجل عظيم..
و هو أصلا مش أد حلفان اليمين!!!!!!
مصر يعنى إعتصام . .
لحد ما يزول النظام . . .
ما تورينا أى أمارة يا دكتور عصــــــــام !!!
إمتى هنحس إننا فعلاً أسقطنا النظام ؟!
طب إغلط مرة واحدة . . و وارينا أى إهتمام
و إتجرأ مرة و نفذ حرف من الكلام!!
أموت و أعرف إزاى بتنام أنت و المشير
مرتاحين و مطمنين . .
و مش فى دماغكوا حاجة و مريحين على السرير!!
ما بلاش الإهمال ده! أخرته مش حلوة و أنتو عارفين!!
خليكوا أد حلفان اليمين
صحيح ما البلد إللى ماكنش ماسكها راجل . .
و كان ماسكها مان !!
لازم نتعبلها كتيـــــــــــر . . و نحميها باللجان
طول ما الظابط بلطجى . . و العسكرى جبان
يبقى لازم شعب مصر كله يقيم فى الميــــــــــــــــــــــدان . . !!
ليست هناك تعليقات:
إرسال تعليق