أنا مين ؟؟؟

أنا ميــــــــــــن ؟؟؟؟!!

أنا واحد كان هدفى فى الحياة إنى أملك ملايين و ملايين !

و طبعاً كان على حسابكوا . . عشان كدة عيشتوا تايهين

رغن إنكوا وسط أهاليكوا . . و فى بلادكم و على أراضيكوا

بس برضو تايهين . . .  !!!

أنا إللى عرفت أزرع مابينكوا الفتنة

و أخليكم مسلمين و مسيحيــــــــــن . . .

و عرفت إزاى أنسيكوا إنكوا كلكوا مصرييــــــن

أنا إللى عرفت إزاى أخليكوا ضايعين

و خليتكوا تدمنوا الحشايش و الكوكايين

و علمتكوا إزاى تكسبوا منه أولوفااااات و ملاييـــــــن !!!

أنا إللى خليت المرض فيكوا يبقى خبيث، يبقى لعين

و عشان أحبكها صح . . .

خليت المستشفيات عقيمة و بالعافية فيها إسبريين !!

أنا إللى خليت السرطان يصيب الأطفال قبل المسنين

خليت السجن مكان للمظلوميــــــــــــن . . .

عشان يحرموا يعندونى . . و يرمونى بالكلام فى الجرانين

أنا إللى منعت أى ظهور للدعاه المسلمين

أومال يعنى أسيب الشعب يتنور و يعرف الدين !!

لا ناقص كمان يقارنوا بينى و بين الخلفاء الراشدين !

عايزنى أعمل زيهم . . والله أنتو ناس طيبيــــــــن

أنا إللى خليت أمن الدولة بالهداوة كدة يلم المتطورين

إللى عارفين و فاهمين كويس أنا أبقى مين !!!

و أنا برضو إللى خليت الحكومة ماسكها شوية متخلفين . .

صحيح كانوا بيسرقوا البلد صح .. بس ماكنوش مصحصحين !!

ماخدوش بالهوم من ولاد . . . . . الثــــورة . .

الفاهمين . . الواعيـــــــــن

فجأة لاقيت الميدان . . مليان ملايين و ملايين

بس أنا طبعاً ماسكتش . . !

أنا إللى خليت الشرطة تقتل فى المتظاهرين

و أجرت البلطجية . . و هربت المساجين

ده غير عربيات الشرطة و الحصنة و الجمال و القناصة

أكيد أنتو عارفيــــــــــــن . . ! !

و أحب أقولكوا . . ماتفرحوش أوى يا حلوين !!

صحيح أنتو أسقطوا النظام . . بس فى الفساد لسة عايشين

و أذا كنت كبرت و عجزت و هدنى الأنسولين !!!!!!!!

فا أولادى لسة بصحتهم . . الحمد لله رب العالميـــــــــــن

أو حتى حبايبى . . ما أنا برضو حبايبى كتيـــــــر

هـــــــــــا بقى !! عرفتوا أنا ميــــــن ؟!

من الأخر . . .

أنا إللى ببيع فيكوا من أول سنة لحد التلاتيــــــــــــــــن.