زمــــــــــــــــان...
و أنا صغير و فى حالى...ولا كان فى شئ فى بالى
كنت بحبها...و بحب صوتى و أنا بندهلها
كان نفسى تبقى ليا..و أبقى ليها و ملكها
ساعتها ماكنش على بالى...
لا فلوس ولا عيشة ولا شقة
ولا دروس و مدرسة و مذاكرة
كل اللى كان فى بالى..ضحكتها و هى قدامى
كان نفسى لما أشوفها ميهربش منى الكلام
كان نفسى مرة تكلمنى من غير ما تتكسف و تقول سلام
كان حلمى يجيى يوم و أقرب أكتر لـ عنيها
و أشوفها لابسة فستان أبيض و طرحة..و أنا اللى ماسك إيديها
و أهى دارت الأيام و قابلتها صدفة...
و قولت لازم أتكلم و ماضيعش الفرصة...
و أعدت كتير أوصفلها..أد أيه كنت بحبها
أد أيه كنت بعشق كل ما فيها حتى إسمها
و فجأة كدة بصيت على إيديها و مسكتها
لاقيتها لابسة دبلة..فبسرعة سألتها...
قالتلى...ااااه دى كانت خطوبة!!
ليست هناك تعليقات:
إرسال تعليق